193謝票風波｜曾直指「謝票並唔係義務」缺席多場謝票網民意見兩極！古天樂、發哥勤力謝票獲讚

由ERROR四子梁業（肥仔）、何啟華（Dee）、郭嘉駿（193）、吳保錡（Poki）主演的電影《陰目偵信》近日上映，而4位成員及台前幕後都有現身謝票，惟近日卻爆出193郭嘉駿的謝票風波，有指193收到騷擾訊息後直言「謝票並唔係義務」，並堅拒再出席謝票，193謝票風波引來不少網民熱議。

電影《陰目偵信》於上周四（10/8）正式公映，由於ERROR四子都有份演出，因此不少粉絲都會藉著謝票場，希望可以有機會接觸偶像。然而電影上畫後首個星期六，193原定會與Dee哥以及女演員郭思及導演梁國輝，於九龍新界各區全日有10場試票，但據知193因工作忙碌，因此其中有幾場193都缺席。而有專誠買飛見偶像的粉絲感到失望，更到193群組留言投訴。

193謝票場缺席 直指「謝票並唔係義務」

後來193在官方telegram群組上宣布拒絕再為電影出席謝票活動，當中表示自己收到騷擾訊息，又直指「謝票並唔係義務，我亦都冇應承過任何嘢。身為一個配角已經做足晒戲劇上嘅本分（份），亦希望大家買飛入戲院係帶住一個想睇電影嘅心情入去。」另外他又解釋近月工作非常繁忙，令到自己身體狀況變差，更表示︰「如果唔係你哋包場，其實我真係唔太想特登抽時間去謝票，有空閒時間我會比較想休息、養聲同埋做歌。」並在最後表示自己不會再去謝票。

事件引來網民有不少意見，有人批評193「大牌」、「唔紅咪唔洗做咁多工作」、「193明唔明白依家好難先有香港電影，有無諗過自己一句說話會影響左成齣電影有份參與的人？謝票非必然係人都知，但唔好講出口更好。」、「謝票唔係義務，但謝票讓人更近距離接觸娛樂圈藝人，可幫助建立形象的。」等；另外有網民支持193，表示「事實上謝票真係唔係義務」、「密集謝票本來就係唔正常」、「謝票只是Bonus，點解搞到無去謝票就係罪咁？」等。

不過，雖然193公開了「不謝票宣言」，但日前（16日）193完成工作後，卻突現身戲院謝票送粉絲驚喜，他又表示日後有些謝票場不見他的名字，但預告自己可能會突襲出現謝票，同時呼籲大家要多多支持《陰目偵信》。

古天樂回應193謝票風波、發哥打風都謝票

近年電影宣傳興起謝票活動，台前幕後都有機會到戲院接觸觀眾，粉絲又有機會接觸偶像，順勢可以力谷票房，可以說是互惠互利。而在去年為《明日戰記》謝票逾百場的古天樂，昨日被問到謝票心得時，就表示「如果你個schedule真係好忙嘅話，就唔好勉強去謝票囉！」他又指言謝票的意義是是和一眾觀眾有溝通及互動。

另外發哥（周潤發）也是謝票的表表者，早前他接連多個星期率領《別叫我"賭神"》團隊，四出與觀眾見面及謝票。除了在上映首日帶隊由旺角跑到尖沙嘴多間戲院謝票外，甚至在3號風球來襲時，發哥也有現身於新光戲院大劇場舉行的千人場。後來更因為宣傳行程密集，習慣早睡早起的他被確診新冠病毒。而康復後發哥也立即遵守承諾，突襲戲院與觀眾見面。